Vi ønskjer å løfte fram og takke alle bedrifter som har bidrege med økonomisk støtte – og som dermed er med på å skape Jotunheimen privatistskule som eit framtidsretta tilbod for lokalområdet vårt.
For å anerkjenne desse bidraga vil vi framover publisere lister over sponsorar, som blir oppdaterte kvar torsdag dei neste vekene.
Det er svært gledeleg å oppleve den positive responsen frå det lokale næringslivet, som møter oss med openheit, velvilje og stor økonomisk givarglede. I tillegg til bedriftene som allereie har signert avtalar og er med på vekas liste, står mange fleire klare til å støtte prosjektet i tida framover – både i Skjåk, Lom og Vågå.
Vi er også svært takksame for at Lom og Skjåk kommune har vedtatt å bidra med 1/3 av den totale kostnadsramma, noko som er eit viktig steg for å realisere Jotunheimen privatistskule.
Dette store engasjementet frå både næringslivet og kommunane stadfestar ønsket om eit tilgjengeleg og framtidsretta opplæringstilbod, bygd på samhald, velvilje og eit sterkt engasjement for utvikling.
Les meir om Jotunheimen privatistskule sine støttespelarar.