Søknadsfristen for å bli ein del av Jotunheimen privatistskule frå hausten 2025 er no passert, og vi er glade for å melde at om lag 100 elevar har vist interesse. Det er svært gledeleg å sjå den store interessa for skulen vår. Søkarane er jamt fordelte mellom Skjåk, Lom og Vågå, noko som viser brei oppslutning om tilbodet vårt i heile Ottadalen. Det er òg nokre få søkjarar frå andre kommunar.
Sjølv om søknadsfristen no er gått ut, tek vi framleis imot registreringar frå interesserte elevar fram til skulestart. Fristen vart sett for å sikre god planlegging av undervisningstilbodet og kapasiteten, men vi ønskjer likevel å vere fleksible for dei som framleis vurderer skulen som eit alternativ.
Merk at tilbodet er avhengig av finansiering, og det blir arbeidd hardt med dette for tida. Vi kjem snart med ei oppdatering om korleis prosessen ligg an.
Dersom du ønskjer å registrere di interesse eller har spørsmål, ta kontakt med oss så snart som mogleg.