Denne veka starta evi eit spanande skuleår med ein uforgløymeleg tur til Sognefjellet. I to dagar har elevar og tilsette ved Jotunheimen privatistskule vore samla på Sognefjellshytta – ein stad der både gjestfridom, mat og omgjevnader gjorde inntrykk.
Med haustklar luft og sol frå blå himmel fekk vi oppleve fjellet på sitt beste. Høgdepunktet var fotturen inn til Bøverbreen, der naturen vart klasserommet vårt for dagen. Undervegs arbeidde vi med geografi, biologi, friluftsliv, lokalhistorie og geofag – ei praktisk tilnærming som skapte både læring og engasjement.
Like viktig som det faglege var samhaldet. Elevane fekk tid til å bli kjent med kvarandre gjennom gode samtalar, kortspel, quiz, hallingdans og til og med ein munnharpekonsert. Nye venskap blei knytte, og fellesskapet styrkt.
Vi vil rette ein stor takk til Råmund og resten av gjengen på Sognefjellshytta for raus gjestfridom og opplevingar vi seint vil gløyme.