Jotunheimen privatistskule har no lagt bak seg si aller første skuleveke etter den store opningsdagen forrige måndag. Veka har vore prega av både forventning og læringsglede, og skulen er godt i gang med å etablere ein trygg og fagleg sterk kvardag for elevar og lærarar.
Det er totalt 84 elevar som har starta opp på Jotunheimen privatistskule. Undervisninga har kome godt i gang, og allereie den første veka har vist at både elevar og lærarar møter oppgåvene med engasjement og pågangsmot. Elevane har fått utlevert bøker som har blitt sponsa av venneforeininga for vidaregåande skule i Lom. Vi er sjølvsagt svært takksame for at veneforeininga bidreg med læringsmateriell til elevane.
I dag er elevar og tilsette på skulen på opningstur på Sognefjellshytta. Her får alle elevar og lærarar høve til å bli betre kjende med kvarandre i storslåtte omgjevnader. Turen, som går føre seg i strålande sol og med flott utsyn mot Jotunheimen, markerer også starten på eit skuleår som skal by på både utfordringar, utvikling og gode opplevingar. Vi kjem tilbake med eit lite referat av Sognefjellsturen etterkvart!
Jotunheimen privatistskule har med seg mange nye element, og etter den første veka ser ein tydeleg korleis både elevane og lokalsamfunnet har tatt skulen godt imot. Med blide elevar, motiverte lærarar og eit sterkt engasjement ligg alt til rette for eit år der kunnskap, fellesskap og trivsel skal stå i sentrum.
Til denne saka legg vi ved nokre bilete frå opningsdagen og frå den første veka:
